· 1 мин унших
Гадаадын жуулчдыг татдаг шалтгааны нэг — Монгол гэр
Чингис хаан, морь, гэр — дэлхий Монголыг эдгээр гурваар таньдаг. Гэр яагаад жуулчдын сонирхлыг татсаар байна вэ?
Ихэнх гадаадын жуулчид Монголчуудын нүүдэлчин амьдралын хэв маягийг сонирхон ирдэг. Энэ амьдралын хэв маягийг хамгийн тод илтгэх, өв соёлтой салшгүй холбоотой зүйл бол Монгол үндэсний гэр юм.
Олон орны хүмүүс Монголыг ихэвчлэн Чингис хаан, морь, Монгол гэр гэсэн гурван зүйлээр таньдаг. Даяаршиж буй нийгэмд авч үлдэх ёстой соёлын үнэт өвийн нэг болох гэр жуулчдын сонирхлыг татсаар удаж байна.
Жуулчид гэрт юу мэдэрдэг вэ?
Гадаадын олон жуулчин Монголд ирээд заавал гэрт хонож, амарч үздэг төдийгүй гэр барилцах дуртай байдаг. Үүнийг тэдний блог, аяллын дурсамжаас харж болно.
- Гэрийн дугуй хэлбэр, модон хана, унь, багана, ширмэл ширдэг, оосор бүч, хаяавч зэрэг нь суурин соёлтой хүмүүст содон санагддаг.
- Гэрийн орон зайд шүтэн барилдсан ёслол, зан үйл нүүдэлчдийн соёлын онцлогийг харуулдаг.
- Хотын шуугианаас алс, аниргүй байгальд гэрт тухлах нь жуулчдын таалалд нийцдэг.
- Урчуудын ур ухаанаар бүтээгдсэн хээ угалз он удаан жилийн түүхийг илэрхийлдэг.
Сүүлийн үед гэр, Монгол тавилганы хээ угалзыг судлах, тооно багана цуглуулах хоббитой гадаадын иргэд ч олширч байна. Сонирхуулахад, тооно дугуй хэлбэртэй байдгийн нэг учир нь агаарыг хурдан сэлгэхэд оршино.
Аялал жуулчлалын бизнест
Жуулчны бааз, ресортын хувьд гэр бол зочдод Монголын жинхэнэ мэдрэмжийг өгөх хамгийн хүчтэй хэрэгсэл. Цомцог гэр энэ мэдрэмжийг хадгалахын зэрэгцээ шалны халаалт, ариун цэврийн өрөө, том цонх зэрэг орчин үеийн тав тухыг нэмж өгдөг.
